علم ينتفع به

علم ينتفع به

المحاولة للتبليغ فقد قال صل الله عليه وسلم بلغوعني ولو اية.وعدم كتم العلم
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 ازاى توفر البنزين

اذهب الى الأسفل 
كاتب الموضوعرسالة
Admin
Admin


المساهمات : 485
تاريخ التسجيل : 27/06/2016

مُساهمةموضوع: ازاى توفر البنزين    الخميس يونيو 21, 2018 1:02 pm

إزاى توفر البنزين

1- متشغلش التكييف.
2- انسى التخميس .
3- ممنوع تحرق على الغيار.
4- بطل العربية و انت نازل تشترى حاجة حتى لو 20 ثانية.
5- متشغلش التكييف.
6- بطل العربية فى الاشارات.
7- متسافرش بالعربية بعد كده.
8- لو معاك عربية اكتر من 1600 CC بيعها.
9- لو معاك عربية اكتر من 1200 CC بيعها برضه.
10- متشغلش التكييف.
11- ممنوع تركب اكتر من اتنين معاك فى العربية.
12- ممنوع تفتح اكتر من شباك و انت سايق.
13- لو السكة زحمة اركن على جنب لغاية ما تسلك.
14- خلى معاك حبل فى العربية عشان حتحتاجة كتير.
15- متشغلش التكييف.
16- لو فى اكتر من عربية فى الاسرة انصحك بالاستغناء عن واحدة ان لم يكن كلهم.
17- شغل التيربو و الديفيل و فلتر هواء الرياضى ده تنزل تشيله و تولع فيه وقتى.
18- حاول تسترزق فى السكة خدلك واحد من الطريق وخد اللى فيه النصيب.
19- الشد مع عربيات فى السكة دى بقت اسمها فقرة الذكريات.
20- ابوس ايدك متشغلش التكييف.
21- اللى معاه جيب او عربية دفع رباعى ده راجل يستحق الصدقة دلوقتى متنساهوش عشان ربنا يفتكرك.
22- عصر الشهامة و انزل اوصلك يا حاج انتهى ياريت تراجع نفسك تانى قبل ما تتشاهم.
23- لو حد قالك انزل وصل فلان او انزل هاتلى حاجة اعمل نفسك ميت.
24- القيادة فوق 100 كم/ساعة اسراف وتبذير ربنا حيحاسبك عليه.
25- متشغلش ام التكييف نهائياً .
26- اللى معاه عربية دلوقتى يستحق اى حسنة..عامله كانه فقير.
27- المشوار اللى اكتر من 20 دقيقة قيادة متروحش بالعربية.
28- لو ساكن بعيد عن شغلك يا تسيب شغلك يا تعزل اوفرلك صدقنى.
29- اى حاجة بتزود فى حرق البنزين صلحها من دلوقتى احسنلك.
30- الغى التكييف من العربية احسن.
31- اتعلم تسوق موتوسيكل او عجلة حتحتاجهم قريب.
32- لو عربيتك قديمة شوية استعمل بنزين 80
33- ادعى ربنا فى صلاتك ان السكة متكونش واقفة وانت بالعربية.
34- حاول تصاحب سواق ميكروباص وانسى ستايلك دلوقتى.
35- متشغلش التكييف عشان خاطر اولادك.
36- الاحتياطى فى التانك اهم من رصيد فى البنك.
37- تسخين العربية ميزدش عن 30 ثانية كحد اقصى.
38- بدل ما تروح لواحد صاحبك بعلبة شيكولاتة خدلك جركن بنزين احسن.
39- متفولش العربية عشان العداد حيغريك انك تمشى اكتر حط 10 لتر بس.
40- متشغلش التكييف حيتخرب بيتك..
ملحوظة : بﻻش تشغل التكييف أحسن لك والأفضل متشغلش التكييف.

اوعى تنسى وايدك تيجى على التكييف بالغلط ويشتغل منك لا قدر الله
ولو حصل اركن فوراً و اغسل وشك واستغفر ربنا وإن شاء الله مش هتتكرر تانى ...

والله شكلك كده هتنسى وتشغل التكييف !!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://dr-ali-ramadan.forumegypt.net
 
ازاى توفر البنزين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
علم ينتفع به :: قرأت وسمعت وشاهدت لك-
انتقل الى: