ممكن اطلب من حضراتكم طلب شخصي
هو ممكن اي حد فيكم يروح يشتري عيش من الفرن يقول لصاحب الفرن الجملة دي
انت عارف حضرتك ان العيش السخن لما يتحط في كيس بلاستيك بيتحول لعيش مسرطن !
ممكن بعد اذنك تستخدم اكياس ورق بدل البلاستيك ؟
ممكن كمان تاخد معاك كيس ورق وتحط فيه العيش بدل الكيس البلاستيك
ممكن يا مدام ساندوتشات الولاد تتحط في ورق مش في بلاستيك
لو حضرتك عرفت انك بالتصرف البسيط دا بتقلل قابليتك للاصابة بالسرطانات اضعاف اضعاف استمرارك فيه
هتدرك تماما اهمية التصرف دا لصحتك وصحة ولادك
خلونا نبتديها بشكل شعبي لحد ما يصدر القرار المنتظر بمنع استخدام الاكياس البلاستيك وخاصة في الافران والمطاعم
انت عارف حضرتك ان شوائب البلاستيك اللي بتدخل جسمك دي بتعمل نفس عمل المواد المؤكسدة يعني المواد اللي بتصيبك بالكسل والخمول والضعف العام ؟؟؟
ما انتي متحطيش اكل العيال في اكياس ولا لنش بوكس غير معالج حراريا وتشتكي ان الواد. كسلان وهمدان ومش مركز في الفصل
اذا كنتي بتديلوا وجبة مؤكسدات كل يوم يا هانم عايزاه. احمد زويل في الفصل اذاي مش فاهم انا
يا دولة يا حكومة يا محافظة
والله العظيم قرار ما هياخد منكم غير ورقة وشوية حبر بمنع استخدام الاكياس البلاستيك في الافران والمطاعم
انت بس خد القرار فورا واعلنه واصحاب الافران والمطاعم غصبن عنهم هيتحولوا للاكياس الورقية
قرار هيوفر عليكم ملايين الجنيهات اللي بتصرفوها على السرطانات وعلاجاتها
قرار زي دا متعطل ليه مش فاهم انا
خالص الشكر
د.عمرو منير حسن