روشته بطعم البطاطا...
البطاطا نبات قرحة المعده والإرتجاع والحموضه
تعرف بقى إن البطاطا الجميله دى بتعالج قرحة المعده آه والله مش هتحتاج أدوية وإسمع القصه.
قرحة المعده بتتكون بسبب الغلابه اللى بيتعاطو مسكنات بإستمرار سواء عشان مفاصلهم ولا أسنانهم ولا لا قدر الله ورم أو الأمراض المناعية الإلتهابية زى الروماتويد وبرضه فيه أسباب تانيه زى الميكروب الحلزونى أو بعض الأدوية اللى بتسبب إرتجاع زى أدوية الضغط ولكن البطاطا هى الحل الجذرى!
فى دراستين الأولى فى الهند فى ٢٠١١ والتانية فى البرازيل سنة ٢٠١٢ تؤكد بما لايدع مجالاً للشك إن البطاطا الحلوه علاج جذرى وفعال لقرحة المعده ومش بس كده دى كمان بتمنع التورم والإلتهاب الشديد بالمعده وبالتالى وجع البطن طيب هل للبطاطا الحلوه إستخدمات أخرى؟
١- منجم فيتامين ألف صديق العين ياجماعة اللى بيمنع جفافها.
٢- مغذيه جداً وبتعالج مقاومة الإنسولين بس هنا بدون زبيب حط جوز هند بس إن حبيت وكلها مشوية رائعة.
٣- مصدر الماغنسيوم رقم واحد و دا بقا ياسيدى بيريح عضلاتك و أعصابك بطريقة وهمية وياسلام لو معاها كوباية لبن أو الأرز باللبن للكالسيوم والبطاطا الماغنسيوم هتنام نوم عميق وهتاكل فعلاً رز بلبن مع الملايكة لأنك هتنام نوم عميق وسعيد بدون الشد العضلى الرخم.
٤- مليانة مادة إسمها أنثوسيانين رائعة للإلتهابات والالام.
٥- مفيش حاجة إسمها أمراض القلب والشرايين مع البطاطا أصلها مليانة مواد فينولية بتمنع إلتهابات الشرايين اللى بعد كده بتقلب بتصلب.
٦- بتمسح ميكروب السلامونيلا المسبب لحمى التيفود مسح فهتريح قولونك لو كان عندك تيفود وبتقتل ميكروب الكلابسيلا المسبب لأمراض الجهاز التنفسى فلو عندك حساسية صدر وإلتهاب مزمن بالصدر دا غذائك الأول.
٧- البطاطا بتخلى جلدك ناعم وجميل زى بشرة الأطفال كده لإنها مليانة فيتامين هاء.
٨- البطاطا هتنظم جهازك الهضمى وهتدخلك الحمام كل يوم وهنا بقولك ضع عليها تين مجفف وزبيب رائعة ولا تأخذ الملينات اللى بتدمر مخزونك من المعادن اللى جسمك محتاجها.
٩- علاج فعال لمرضى ضعف الحيونات المنوية سواء حركة ولا عدد عشان غناها بفيتامين الخصوبة فيتامين ألف وفيها حديد يبنى ليك دمك لو عندك أنيميا نقص حديد.
١٠- مدمن البطاطا ذاكرته حديدية لا يترك أبدا معلومة إلا ويجيبها.
فى النهاية دى أكله صحيه جداً ناس كتير متعرفش قيمتها الطبية خاصة قرحة المعده.
شير لغيرك وقوله هناكل كل يوم البطاطا المشوية نجرب مش هنخسر حاجة.
دمتم بصحة وعافية
